Çîrokên Rûbar Elî berî her tiştî xwe bi hêza zimanekî estetîk û helbestî ve digirin. Hestên binpêbûyî, qaliknegirtî û veşartî dibin hevalê şevê û şev dibe rawestgeha herî girîng bo lehengan... Kesayetên ku di civakê de tu carî nebûne xwedî hebûnekê mîna şanogerekî xurt bi tîradeke dirêj derdikevin ser dikê û heta qewet heye di qirika wan da qêr dikin têkçûna xwe. Bi van çîrokên kin dê bala we biçe ser wan lehengên bextreş yên li kêleka me, li gundê me, taxa me ku ji xirecira sedsala bîst û yekemîn tenê xulekek jî me ji bo wan veneqetandiye...